నేను త్రివిక్రమ్ శ్రీనివాస్ ని ఒక రైటర్ గా అభిమానిస్తాను. ప్రాస లతో అతను రాసే డైలాగులు నవ్వు తెప్పించక మానవు. అంతే కాదు కొన్ని కొన్ని చోట్ల వ్యక్తిత్వ వికాసానికి సంబంధించిన వాక్యాలు కూడా మనకి కనపడతాయి. ఆయన రాసిన నాకు నచ్చిన కొన్ని డైలాగులు మీతో పంచుకుందామని ఈ పోస్ట్.
ఆయన నువ్వు నాకు నచ్చావ్, మన్మధుడు, మల్లీశ్వరి, నువ్వే కావాలి, చిరునవ్వుతో, అతడు, నువ్వే నువ్వే, జల్సా లాంటి సినిమా లకు డైలాగులు రాశారు.
మొదటి మూడు సినెమాలైతే ఎన్ని సార్లు చూశానో. ఎన్ని సార్లు చూసినా మళ్ళీ చూడాలనిపిస్తాయి.
ఆయన రాసిన నాకు నచ్చిన కొన్ని డైలాగులు.
కొన్ని కామెడీ డైలాగులు... కొన్ని డెప్త్ ఉన్న డైలాగులు.....
"మనం గెలిచినప్పుడు భుజం తట్టే వాళ్లు , ఓడినప్పుడు వెన్ను తట్టి ప్రోత్సహించే వాళ్ళు నలుగురు లేనప్పుడు
ఎంత సంపాదించినా ఎంత పోగొట్టుకున్నా పెద్ద తేడా ఉండదు"
"అందం అంటే మనం ఇతరులకు నచ్చేలా ఉండడం కాదు. మనకు నచ్చేలా మనం ఉండడం "
"ఒకరికి వెంకటేశ్వర స్వామి అంటే ఇష్టం మరొకరికి ఆంజనేయ స్వామి అంటే ఇష్టం ఇంకోళ్ళకి రాముడంటే ఇష్టం
మరి ఇక్కడుండే వాళ్ళందరికీ ఒక్క దేవుడే నచ్చనప్పుడు ఆఫ్ట్రాల్ నేను మనిషిని నేను అందరికీ నచ్చాలని రూలేం లేదు కదా."
'నేను నీకు నచ్చకపోతే ఆది నీ ప్రాబ్లమ్ నాది కాదు."
" దేవుడు చెడ్డవాడు
కళ్ళు ఉన్నాయని ఆనందించేలోపే కన్నీళ్లున్నాయని గుర్తుచేస్తాడు."
ఎవరైనా ఎదిగిన తర్వాత పెళ్లి చేసుకుంటారు. కానీ నీ కొడుకు ఎదగటానికి పెళ్లి చేసుకుంటున్నాడు. తప్పు.
"నిజం చెప్పక పోవడం ఆబధ్ధం
అబద్ధాన్ని నిజం చేయాలని ప్రయత్నించడం మోసం"
"గెలిచినప్పుడు ఏ వెధవైనా నవ్వుతాడు.
ఓడిపోయినప్పుడు నవ్వే వాడే హీరొ".
"మనం రిక్షా తొక్కి పైకొచ్చాం కదా అని, మన పిల్లల్ని కూడా రిక్షా తొక్కమనడం... కరెక్ట్ కాదు అంకుల్ "
"మనం ఎవరినైనా ప్రేమిస్తున్నామంటే , వారి తప్పులను క్షమించ గలగాలి, లేదా ప్రేమించట్లేదని ఒప్పుకోవాలి."
"మీకొక మనిషి తెలుసు, నాకొక పేరు తెలుసు..
వెతుకుదాం..
మీ భయం పోయెదాకా.. నా కోపం తగ్గే దాకా..
వాడు చచ్చే దాకా!!"
ఇప్పుడు కొన్ని కామెడీ వి.
కుర్రాడు చాకు లాగా ఉన్నాడు
"ఇంతకు ముందు కత్తి లాగా ఉండేవాడు .ఈ మధ్య డైటింగ్ చేశాడు"
" నీ తో ఇదేరా ప్రాబ్లమ్. సెంటీమీటర్ చనువిస్తె చాలు కిలోమీటర్ దూసుకెళ్లి పోతావ్."
"బంతీ
ఏం కావాలి సర్?
కొంచెం మనశ్శాంతి"
ఆ అమ్మాయిని చూడటానికి రెండు కళ్ళు సరిపోవు రా
అంత లావా?
"colleges ఎలా ఉన్నారు?
ఒక అమ్మాయి బాగుంది అంకుల్"
ఈ మైక్ made in japan.
ఇండియా లో పనిచేస్తుందా????
జోక్...
మైక్..
"అంజనేయ స్వామి తెలుసా
గుళ్ళో చూడడమేనండీ బయట పెద్ద పరిచయం లేదు."
ఇలా ఎన్నెన్నో ఉన్నాయి. చదువరులకు నచ్చితే మరిన్ని పోస్ట్ చేస్తా.
ప్రస్తుతానికి ఉంటానేం.
Monday, October 20, 2008
Friday, October 10, 2008
మీకోసం ఓ జోక్
ఒకసారి ఒక పిల్లి, ఒక గున్న ఏనుగు మాట్లాడుకుంటున్నాయి
పిల్లి ఏనుగుని నీ వయస్సెంతా అని అడిగింది
అప్పుడు ఏనుగు నా వయస్సు ఐదు సంవత్సరాలు అని అంది.
అవునా..! మరి నువ్వు అంత పెద్దగా ఉన్నావేం అని పిల్లి తెగ ఆశ్చర్యపోతూ అడిగింది.
నేను కాంప్లాన్ బాయ్ ని మరి అంది ఏనుగు.
మరి నీ వయస్సెంత అని అడిగింది ఏనుగు
నా వయసా..! ముప్పై సంవత్సరాలు అని అంది పిల్లి.
అరె నిజంగానా నువ్వు మరి చాలా చిన్నదానిలా ఉన్నావేం అని అడిగింది ఏనుగు
నేను సంతూర్ గాళ్ ని మరి అని సిగ్గుపడుతూ అంది పిల్లి.
పిల్లి ఏనుగుని నీ వయస్సెంతా అని అడిగింది
అప్పుడు ఏనుగు నా వయస్సు ఐదు సంవత్సరాలు అని అంది.
అవునా..! మరి నువ్వు అంత పెద్దగా ఉన్నావేం అని పిల్లి తెగ ఆశ్చర్యపోతూ అడిగింది.
నేను కాంప్లాన్ బాయ్ ని మరి అంది ఏనుగు.
మరి నీ వయస్సెంత అని అడిగింది ఏనుగు
నా వయసా..! ముప్పై సంవత్సరాలు అని అంది పిల్లి.
అరె నిజంగానా నువ్వు మరి చాలా చిన్నదానిలా ఉన్నావేం అని అడిగింది ఏనుగు
నేను సంతూర్ గాళ్ ని మరి అని సిగ్గుపడుతూ అంది పిల్లి.
Saturday, September 20, 2008
తన కోపమే….
ఒక ఊరిలో ఒక అబ్బాయి ఉండేవాడు. అతనికి కోపం చాలా ఎక్కువ. అతడు ఉన్నదానికీ లేని దానికీ కోపం తెచ్చుకుని అందరినీ కోప్పడుతూ ఉండేవాడు.అతని తండ్రి కోపం తగ్గించుకోవడానికి ఒక సలహా ఇస్తాడు. అతనికి ఒక సంచి నిండా పొడుగాటి సీలలు(nails) ఇచ్చి ఇకనుంచీ నువ్వు ఎవరిపైనైనా కోప్పడినప్పుడల్లా ఒక సీలని ఈ గోడ లోకి కొట్టమని చెప్తాడు. మొదటిరోజు ఆ అబ్బాయి పదిహేను సీలలు గోడలోకి కొడతాడు. రోజులు గడిచే కొద్దీ అతను కొట్టే సీలలు తగ్గుతూ వస్తాయి. అతను ఈ సీలలు గోడలోకి కొట్టడం కన్నా తన కోపాన్ని అదుపులో ఉంచడమే సులభంగా ఉందని అనుకుంటూ ఉంటాడు. కొన్ని రోజుల తర్వాత అతను ఒక రోజు అసలు ఎవ్వరి మీద కోప్పడడు. అతను ఎంతో ఆనందం తో తన తండ్రి దగ్గరకి వెళ్లి నాన్నా ఈ రోజు నేను ఎవ్వరి మీద కొప్పడలేదు అని చెప్తాడు. అప్పుడు తండ్రి చాలా మంచిది నాయనా, ఇక నుండీ నువ్వు ఎవ్వరి మీద కోప్పడని రోజున రోజుకొక్కటి చొప్పున ఆ గోడలో కొట్టిన సీలలు తీసివెయ్యమని చెప్తాడు.
కొన్ని రోజుల తర్వాత అతను అన్ని సీలల్నీ తీసివేయగలుగుతాడు. అప్పుడు అతను తన తండ్రితో తను అన్ని సీలలనీ తీసివేయగలిగానని చెప్తాడు. అప్పుడు ఆ తండ్రి, నువ్వు చాలా మంచి పని చేసావు నాయనా..కానీ నువ్వు గోడకి కొట్టిన సీలల్నైతే తీసి వేయగాలిగావు కానీ ఆ సీలలు గోడకు చేసిన గాయాన్ని మాన్చలేవు. ఆ గోడకున్న రంధ్రాలను చూసావా, ఆ గోడ తిరిగి మామూలుగా ఎప్పటికీ అవదు. అలాగే నువ్వు ఎవరినైనా కోపంలో ఎన్నో మాటలని అని వారి మనసును గాయపరిచిన తర్వాత నువ్వు వాళ్ళకి ఎన్ని క్షమాపణలు చెప్పినా సరే నువ్వు చేసిన ఆ గాయమనేది మానదు అని చెప్తాడు. ఆ తరువాత ఆ అబ్బాయి తన తండ్రి నేర్పిన ఈ పాఠాన్ని ఎప్పుడూ మరిచిపోలేదు.
Thursday, September 18, 2008
మార్చగలిగేవీ మార్చలేనివీ
నేను ఈమధ్యనే ఒక వాక్యం చదివాను. దాని ప్రకారం మన మన జీవితాల్లో మార్చగలిగే పరిణామాలూ ఇంకా మార్చలేని పరిణామాలూ అని రెండు రకాలు ఉంటాయట. అంటే ప్రతి సందర్భం లో, ప్రతి పరిస్థితిలోనూ మనం మార్చగలిగేవీ మార్చలేనివీ ఉంటాయన్నమాట. మనం మార్చలేని పరిణామాలని పట్టుకుని బాధపడుతూ మార్చగలిగే వాటిని గురించి పట్టించుకోకుండా గడిపేస్తాం. ఇలా కాకుండా మనం మార్చగలిగే వాటిని మార్చి, మార్చలేనటువంటి వాటిని మార్చలేమని ఒప్పుకుంటూ వాటిని గురించి ఆందోళన పడకుండా, గడిపితే ఆనందం దానంతట అదే మన దగ్గరకి వస్తుందని అర్ధం.
చివరగా
మనం మార్చగలిగేవి మార్చాలంటే ధైర్యం కావాలి. మార్చలేనివి ఒప్పుకోవాలంటే ప్రశాంతమైన మనస్సు కావాలి. ఏవి మార్చగలమో ఏవి తెలియాలంటే తెలివి కావాలి. చక్కగా చెప్పారు కదా.
చివరగా
మనం మార్చగలిగేవి మార్చాలంటే ధైర్యం కావాలి. మార్చలేనివి ఒప్పుకోవాలంటే ప్రశాంతమైన మనస్సు కావాలి. ఏవి మార్చగలమో ఏవి తెలియాలంటే తెలివి కావాలి. చక్కగా చెప్పారు కదా.
Monday, September 15, 2008
నమస్తే
అందరికీ నమస్కారం.
నేను రెండు నెలలుగా తెలుగు బ్లాగులను చదువుతున్నాను. నేను ఈ బ్లాగుల ద్వారా కొన్ని మంచి విషయాలను నేర్చుకున్నాను. కొన్ని అభిప్రాయాలు ఏర్పరుచుకోగాలిగాను. అందుకు తెలుగు బ్లాగర్లందరికీ నా కృతజ్ఞతలు. నేను కూడా ఒక మంచి బ్లాగుని ఎందుకు ప్రారంభించకూడదని అనుకున్నాను. ఇదిగో ఇప్పుడే నా బ్లాగుని ప్రారంభిస్తున్నాను. ఇందులో నా అభిప్రాయాలూ, నా అనుభవాలూ, ఇంకా నాకు మంచివి అనిపించిన విషయాలూ రాద్దామని అనుకుంటున్నా. సీనియర్ బ్లాగర్లు నా ఈ ప్రయత్నాన్ని మన్నించి, ప్రోత్సహిస్తారని భావిస్తూ.
శరత్ సోలా.
నేను రెండు నెలలుగా తెలుగు బ్లాగులను చదువుతున్నాను. నేను ఈ బ్లాగుల ద్వారా కొన్ని మంచి విషయాలను నేర్చుకున్నాను. కొన్ని అభిప్రాయాలు ఏర్పరుచుకోగాలిగాను. అందుకు తెలుగు బ్లాగర్లందరికీ నా కృతజ్ఞతలు. నేను కూడా ఒక మంచి బ్లాగుని ఎందుకు ప్రారంభించకూడదని అనుకున్నాను. ఇదిగో ఇప్పుడే నా బ్లాగుని ప్రారంభిస్తున్నాను. ఇందులో నా అభిప్రాయాలూ, నా అనుభవాలూ, ఇంకా నాకు మంచివి అనిపించిన విషయాలూ రాద్దామని అనుకుంటున్నా. సీనియర్ బ్లాగర్లు నా ఈ ప్రయత్నాన్ని మన్నించి, ప్రోత్సహిస్తారని భావిస్తూ.
శరత్ సోలా.
Subscribe to:
Posts (Atom)